പൂജ

കാണാമറയത്തു നിന്നു ഞാന്‍
നിന്നെ ഒരു നോക്ക് കണ്ടു
ആ നിമിഷം തന്നെ നീ
എന്‍ മനസ്സില്‍ കുടിയേറി
എന്നുള്ളില്‍ ആശകള്‍ തളിരിട്ടു
മോഹങ്ങള്‍ മൊട്ടിട്ടു
നീ അറിയാതെ ഞാന്‍ അവ
എന്‍ ഹൃത്തില്‍ ഒളിച്ചുവച്ചു.
ഒരുമകരമാസ സന്ധ്യയില്‍
നിന്നെ  വീണ്ടും കണ്ടു ഞാന്‍
അന്ന് നിന്നെ സ്വന്തമാക്കാന്‍
കൊതിച്ചു ഞാന്‍...
പുതിയ സ്വപ്നങ്ങള്‍ ഞാന്‍ കണ്ടു
അതില്‍ നീയെന്‍ റാണിയായി
അത് ആരോടും പറയാതെ
എന്‍ മനസില്‍  മറച്ചു വച്ചു.

തുളസി കതിര്‍ ചൂടി
ഈറന്‍ മുടിയുമായി
അമ്പല മുറ്റത്ത് നിന്നെ കണ്ടു ഞാന്‍
വീണ്ടും കണ്ടു ഞാന്‍
അന്നും ഞാന്‍ നിന്നെ ആശിച്ചു
രാവിന്‍റെ മടിയില്‍ നിന്നെയോര്‍ത്തു
ഒരിമപോലും അടയ്ക്കാതെയിരുന്നു ഞാന്‍
എന്നിട്ടും ആരും അറിയാതെ
എന്നുള്ളില്‍ സുക്ഷിച്ചു വച്ചു

ഒരു ശുഭദിനം ഞാന്‍ നിന്നെനിന്‍റെ  പ്രിയന്‍റെ കൂടെ കണ്ടു
നിയെന്‍റെതല്ലെന്നറിഞ്ഞു  ഞാന്‍
അന്നറിഞ്ഞു ഞാന്‍....
ആ ദിനം എന്നുള്ളില്‍
ഓരോ തളിരും മുതിരും മുന്പേ.
അടര്‍ ന്നു പോയി...
ഓരോ മൊട്ടും വിരിയും മുന്പെ.
പൊഴിഞ്ഞു പോയി...
എന്നിട്ടും നിന്നെ ഞാന്‍
എന്‍ ഹൃത്തില്‍ പൂജിച്ചു.